Прывітанне з Полацка!

Мастацкая школа ў Полацку з'явілася ў 1985 годзе. Сёння у старадаўнім будынку пачатку XX стагоддзя, што месціцца на галоўным гарадскім пляцы, вучыцца 180 дзяцей.

Навучэнцы мастацкай школы маюць шчаслівую магчымасць спасцігнуць таямніцы выяўленчага мастацтва, зазірнуць ў візуальны свет колераў, адценняў, нюансаў і кантрастаў.

Сябрамі і дарадцамі на шляху мастацкіх вышыняў з'яўляюцца выкладчыкі школы: Ларыса Шышакова, Юлія Шайкова, Дзмітры Свяцкі, Ірына Карпава, Іван Іваноў. Адданасць і шчырасць педагогаў знаходзіць водгук ў дзіцячых кампазіцыях.

Час ад часу творы юных мастакоў удзельнічаюць ў міжнародных конкурсах малюнка.
Радасць творчасці - найвялікшы здабытак, даступны кожнаму, хто пераступае парог школы, з мэтаю спасцігнуць прыгажосць.

Дырэктар школы Наталля Анцімонава.

наверх